LAOAG CITY – Naaprubaranen ti resolusyon iti konseho ditoy ciudad ti Laoag para iti pannakaideklara ti state of calamity ditoy ciudad ti Laoag.
Pimmabor amin dagiti konsehal ditoy ciudad iti pannakaipasa ti nasao a resolusyon.
Gagem ti nasao nga addang ket tapno mausar ti calamity fund a paggatang kadagiti masapol iti agtultuloy a panagngato ti kaso ti coronavirus ditoy ciudad.
Karaman a rumbeng a magatang ket ti scanners, alcohol ken dadduma pay.
Malaksid iti daytoy, iti pannakaideklara ti state of calamity ket mausar pay ti 30 a porsiento iti Quick Response Fund ken 70 a porsiento iti Disaster Prevention and Mitigation Fund.
Kabayatanna, naideklara metten ti state of calamity iti ili ti Vintar.
