LAOAG CITY – Makipaset ti lokal a gobierno ditoy siudad ti Laoag iti Public Utility Vehicle Service Contracting ti gobierno nasional.
Daytoy ket tapno masuportaran ken matulungan dagiti kooperatiba, korporasion, asosasion dagiti Public Utility Vehicles babaen ti pannakaipaay ti financial subsidy.
Ti nasao a programa ket tapno maipasigurado ti natalged ken makaumanay ti bilang dagiti Public Utility Vehicle babaen ti Republic Act No. 11494 wenno Bayanihan To Recover Act As One.
Immuna iti daytoy, adda ti inparuk-at ti Land Transportation Franchising and Regulatory Board a Memorandum Circular dagiti pagannurutan a masapol iti pannakaipatungpal iti Public Utility Vehicle Service Contracting tapno maipasigurado dagiti lokal a gobierno ket addaanda ti pundo para iti operasion iti Public Utility Vehicle.
Malaksid iti daytoy, immunan nga adda ti mandar ti Department of the Interior and Local Government a manggutigot kadagiti amin a Mayor a suportaranda daytoy babaen ti iseserrekda iti katulagan iti Land Transportation Franchising and Regulatory Board.
