LAOAG CITY – Mangnamnama ti lokal a gobierno iti ili ti San Nicolas nga agbalin a natalna ti pannakaselebrar ti Damili Festival inton bulan ti Disiembre.
Nakasaganan dagiti maiyuswat a nagduduma nga aktibidad ken programa a pakipartisiparan dagiti umili.
Mainaig iti daytoy, immunan a naisayangkat ti Inter-Barangay Basketball Tournament a nakipartisiparan dagiti nagduduma a barangay iti ili ti San Nicolas iti umuna a lawas ti bulan ti Nobiembre.
Kabayatanna, naammoan nga adda dagiti balikbayan a nangipanamnama nga agawid inton sumaruno a bulan a makipasetda iti coronation night ti Balik-Bayan Night.
