LAOAG CITY – Lima nga indibidual ti natay iti napasamak a flash flood idiay Central Vietnam gapu iti nagsasaruno nga aldaw a panagtudtudo na ti napigsa gubuay ti Tropical Storm Trami.
Malaksid iti daytoy, adda pay ti lima a sabsabali a nasugatan iti kalamidad iti Quang Binh province.
Ginasut met a balay ti nadadael ken agarop 1,300 nga ektarya a naimulaan ti nagduduma nga agricultural products ti nalayos.
Naamoan nga agpapan ita ket saan pay a nages-es ti danom iti Quang Binh province iti Central Vietnam isut gapuna nga agbangbangka dagiti residente no adda ti pagturungan wenno aramiden da iti ruwar ti balayda.
