LAOAG CITY – Natiliw dagiti lima nga indibidual pakairamanan ti maysa a miembro ti LGBTQ Community iti maysa a minatayan iti Adriano Street, Brgy. 1 ditoy ciudad ti Laoag gapu iti panagsalungasing da ti PD 1602 wenno Illegal Gambling.
Segun ken ni Pol. Lt. Col. Rafael Lero, dagiti naarestar ket agtawen ti 28, 51, 37, 31 ken 42, construction worker ken tricycle driver nga agpapada dagitoy a residente ti Brgy. 1 ditoy ciudad.
Inbatad na a natiliw dagiti maseknan kabayatan nga agsusugalda ti lucky 9.
Kuna ni Lero a dagiti nakumpiskar da kadagiti suspek ket 40 pieces a playing cards, 4,457 a pisos bet money, innem a pidaso ti plastic chair nga agmaris ti nalabbaga, tallo a pidaso ti plastic chair nga agmaris ti pink, maysa a plastic table nga agmaris ti nalabbaga nga addaan ti marka ti nagan ti softdrinks, 1 wooden table ken 1 piece white table clothe.
Kabayatanna, nirekomendar met ti pyansa dagitoy a sag-30 a ribo a pisos tunggal maysa.
