LAOAG CITY – Pinirmaanen ni President Ferdinand Marcos Jr. ti linteg a mangpawil ken mangideklara kas iligal ti offshore gaming operations (POGOs) ti pagilyan kaste met dagiti dadduma a related activities.
Ti Republic Act No. 12312 ket maawagan kas “Anti-POGO Act of 2025” ken pinirmaan ti presidente idi Oktubre 23, 2025.
Gapo iti daytoy, dagiti work permits ken visas kadagiti amin nga indibidual nga adda ti pakainaigan na iti offshore gaming operations wenno empleado iti POGOs, POGO gaming content providers, ken POGO-accredited service providers ken makanselar.
Iti babaen ti linteg, karaman kadagiti maiparit ket ti establishment, operation, wenno nangiyuswat ti offshore gaming iti Pilipinas kasta met ti panangawat kadagiti anyaman a klase ti pusta iti offshore gaming operations.
Naamoan nga amin a POGOs, POGO gaming content providers, Pogo accredited service providers, ken POGO local gaming agents a narevoke ti lisensya na babaen iti daytoy a linteg ket agtultuloy a liable iti amin a taxes, duties, regulatory fees, ken dadduma pay agingga iti maudi nga aldaw ti operasyon da.
Kabayatanna, kadagiti saan a sumurot iti daytoy aglabsing iti Republic Act No. 9160, wenno ti “Anti-Money Laundering Act of 2001.”
