LAOAG CITY – Plano ni Gobernador Matthew Marcos-Manotoc nga ipatungpal ti liquor ban iti intero nga Ilocos Norte.
Inbatad na a ti inisyal a plano ket iti aldaw ti domingo agingga ti huwebes ket masapol nga agingga laeng iti alas-diyes ti rabii ti panaglako ti arak iti intero a probinsya.
Inlawlawag ti gobernador a gagem ti nasao nga addang ket tapno maliklikan dagiti mapaspasamak a desgrasya ken aniaman nga insidente ditoy probinsya.
Innayon na a mabalin nga ado dagiti makagura iti daytoy nga addang ngem kuna na a para iti pagsayaatan ti kaadoan.
Maipalagip a kaadoan kadagiti biktima ti degrasya ket nakainom ti arak ken gapu ti impluwensya ti arak ket ado dagiti agririri.
