LAOAG CITY – Taraknen ti lokal a gobierno ti Laoag dagii badjao no saanen a makontrol ti panagado da ditoy ciudad wenno mangipaay da ti tulong a kasapulan dagitoy tapno agsubli da iti lugar a nagapwan da.
Daytoy ti makitkita a solusyon ni Mayor James Bryan Alcid no saan a makontrol ti bilang dagitoy.
Segun kenni Alcis, daan dagiti addang nga inaramid ti ciudad nangruna ti City Social Welfare and Development Office a wagas tapno maisubli dagiti badjao iti naggapoan da ngem agsubli da met laeng ditoy ciudad ti Laoag.
Gapo iti daytoy, kalikagom ti Mayor a kasarita manen ti City Social Welfare and Development Office no ania ti aramiden da tapno makontrol da ti panagado dagit badjao.
Inbatad na anarigat a pawilan dagiti badjao a sumrek ditoy ciudad laketdi saan da nga agwarang-warang.
Maipalagip nga inbatad ni Mrs. Perlita Cabello iti City Social Welfare and Development Office nga inaramid da ti amin tapno agsubli da iti naggapwan da isut gapo na a ti napanunot da a solusyon ket ideklara ti gobernador a mapawilan dagiti badjao.
