LAOAG CITY – Manamnama a maiwayat ti License to Own and Possess Firearms wenno LTOF Caravan iti ili ti Nueva Era intun Nobiembre 29 agingga 30 iti mismo Nueva Era People’s Center.
Daytoy ti inpakaammu ni P/Maj. Sheryl Guzman ti pannakangiwat ti Ilocos Norte Police Provincial Office (INPPO).
Segun kenkuana, maawis amin a gun holder tapno irehistro da dagiti nag-expire a paltog da.
Kunana a ti firearms registration ket iti babaen met laeng ti Regional Civil Security Unit-I ti Philippine National Police Region-I.
Inbatad ni Guzman a naiget ti panangipatungpal da ti Oplan Katok kadagiti gun holders rason no apay a gundawayan da ti pannakaisayangkat ti LTOF Caravan.
Kabayatanna, inpakaammuna pay nga adda listaan da kadagiti indibidual nga addaan ti nag-expire a paltog.
