LAOAG CITY – Inpetteng ni Vice Mayor Vicentito “Toto” Lazo ditoy ciudad ti Laoag a ‘fake news’ ti maiwarwaras iti social media a maipatungpal ti total lockdown ditoy ciudad gapu iti covid-19.
Inbatad ti bise mayor nga awan pay ti makita da a rason tapno maipatungpal ti total lockdown ditoy ciudad ti Laoag.
Inlawlawag ni Lazo a covid-19 free pay laeng ditoy probinsya ngem saan koma nga urayen nga a makastrek ti virus ken maipatungpal ti lockdown.
Innayon na a no mapasamak daytoy ket awan pulosen ti makarwar iti uneg ti pagtaengan ken ti gobierno lattan ti agidanun kadagiti kasapulan.
Kuna pay ti bise mayor a no mapasamak daytoy ket nadagsen unayen a trabaho ti gobierno.
