LAOAG CITY – Manamnama a sumangpet iti probinsya ti Cagayan ita nga aldaw ti maikadwa a bansada ti relief goods a naggapo kadagiti naayat a kailyan.
Kangrunaan a linaon ti truck a nagturong iti nasao a probinsya partikular iti siudad ti Cagayan ket dagiti badbado, danom, makan ken dadduma pay a kangrunaan a kasapulan iti inaldaw.
Segun ken ni Mrs. Lilian Rin, ti mangidadaulo iti Provincial Social Welfare and Development Office (PSWDO), arig na awan nagbaliwan ti kaado dagiti relief goods a naipatulod iti Cagayan ken iti immunan a naipatulod itay kallabes.
Kuna na nga agtultuloy ti panagawat ti PSWDO ken iti gobierno probinsyal kadagiti donasyon a maipaay kadagiti naapektaran ti bagyo.
Maipalagip nga immunan a naipatulod ti umuna a bansada ti relief goods ken nagduduma a donasyon iti Tuguegarao City, Cagayan idi Nobiembre 15.
