LAOAG CITY – Inpasingked ni Engr. Shiela Opelac, ti City Agriculturist a makabulanen nga awan ti kaso ti African Swine Fever (ASF) ditoy ciudad ti Laoag.
Segun kenni Opelac, ti naudi a report ket iti Barangay Barit ditoy ciudad.
Kunana nga adda ti report nga adda dagiti baboy a matay ngem saan a kumpirmado nga ASF ti rason na.
Patien na a ti rason no apay kellaat ti panagsardeng ti kaso ti ASF ditoy ciudad ket gapo iti kinatudyo ken panagkikinnamayet dagiti tattao.
Malaksid iti daytoy, kunana ti maysa pay a rason ket ti pannakasurot kadagiti amin a pagalagadan nga inyetnag ti City Agriculture Office ken City Veterinary Office nga idadaulwan ni Dr. Arthur Cacello.
Maipalagip nga iti napalabas a bulan ket narway dagiti naipadalan iti culling operation a taraken a baboy ditoy ciudad a nakaro a nakaapektar kadagihi hog raisers iti nagduduma a barangay ditoy ciudad.
