LAOAG CITY – Ginutigot ti Malacañang ti publiko a tutukan ti impeachment trial ni Vice President Sara Duterte ken isuda mismo ti agdesision basar kadagiti ebidensia a maiparparuk-at iti panagdengngeg.
Inbatad ni Palace Press Officer Undersecretary Claire Castro a saan a trabaho ti Ehekutibo a tingitingen ti taray ti impeachment trial gapu ta adda iti Senado ti proseso.
Kuna ni Castro a nasaysayaat no dagiti umili ti agobserbar ken mangbukel ti bukud a panangtingiting kadagiti mapaspasamak iti panagdengngeg.
Inpetteng ti Palasyo a ti laeng kiddaw ni Presidente Ferdinand Marcos Jr. ket masurot ti linteg ken due process iti impeachment trial.
Iti agdama, basar iti Malacañang, naannayas met ti taray dagiti panagdengngeg iti Senado.
