LAOAG CITY – Inbatad ni Doctor Loida Valenzuela, ti Provincial Veterinarian ditoy probinsya nga adda ti agarop 7.9-milyon a pisos a manarimaan a maiprosproseso para kadagiti hog raisers a naapektaran ti African Swine Fever (ASF) virus.
Mangnamnama ni Valenzuela a malpas ti pannakaiproseso na ti nasao a kantidad iti kabiitan a panawen.
Patien na a no malpas ti pannakaiproseso ti nasao a kantidad ket mamati a dakkel a tulong daytoy kadagiti hog raisers a napukawan ti ado a taraken a baboy gapu iti ASF virus.
Mainaig iti daytoy, nagyaman ni Valenzuela kadagiti hog raisers a nakaawat ti inaramid da kangrunaan na nangguyud ken nangikali kadagiti taraken da a baboy kalpasan a naapektaran da ti ASF virus.
Kabayatanna, inpakaammo ni Valenzuela nga ad-adda pay a napaigetan ti pagalagadan para iti pannakaiserrek dagiti maparti a dingwen iti slaughter house no sadinno a malaksid iti maited a sertipikasyon iti barangay ket balbaliw pay a mainspeksyon dagiti ayop iti pannakaiserrek da iti nasao a pasilidad.
Kuna na a sakbay pay a maparti dagiti dingwen ket masapol a mapaginana dagitoy iti innem nga oras.
