LAOAG CITY – Sumango iti agsusukot a kaso ti maysa a mannalon a nagprobokar idiay Vintar, Ilocos Norte.
Daytoy ti kinumpirmaran ni Police Major Joseph Baltazar, ti chief of police iti ili a Vintar.
Immuna ti daytoy, inbatad ni Baltazar a bayat iti papanda panangtiliw ken ni Mark Cabotaje, agtawen ti 34, naasawaan, mannalon ken residente iti Barangay 15 iti ili ti Vintar ket naalaan da iti buneng, dua a kumpay kinarit na dagiti pulis ken inpetteng na a saanna a kabuteng dagitoy.
Naamoan a apaman a nabartek ti suspek ket nalaglagip na dagiti napaspasamak kenkuana idi ubing pay a rason ti nagprob-probokaran na.
Gapu ti daytoy, pinilaan da ni Cabotaje iti kaso a direct assault, disobedience to a person in authority, resisting arrest ken panaglabsing iti Omnibus Election Code.
Inlawlawag ni Baltazar a segun iti asawa ni Cabotaje, tunggal makainom ti suspek ket agprobprobokar isut gapuna nga ilemlemmengan da daytoy, ngem no saan a nakainom ket nadungngo met iti pamilya na.
