LAOAG CITY – Naarestar ti maysa mannalon a Wanted Person iti Brgy. Mabusag Sur iti ili a Badoc.
Nabigbig ti suspek a ni Eddiemar Ladera, agtawen ti 37, naasawaan ken residente ti Brgy. Camanga iti nadakamat met laeng nga ili.
Daytoy ket kalpasan ti naiparuk-at a Warrant of Arrest babaen ken ni Honorable Judge Isidro Pobre ti RTC Branch 18 idi Nobyembre 14 idi tawen 2014 gapu iti kaso a Frustrated Murder.
Basar iti imbestigasyon, naarestar ti suspek iti nasao a Barangay babaen ti panangidaulo ni OIC Police Major Artemio Clemente ken dagiti kameng ti PNP Badoc.
Kabayatanna, nairekomendaran ni Ladera ti duagasot a ribo (200,000) a pisos a pyansa para iti temporaryo a pannakawaya-waya na.
