LAOAG CITY – Saan a kas karina a maipatungpal ti mass deportation gapu ta mabalin a maapektaran ti ekonomiya ti Estados Unidos.
Daytoy ti inpetteng ni Bombo International News Correspondent Ray Dacul – Lider ti Filipino Teachers manipud iti Washington D.C, USA gapu ta pagam-amkan dagiti Overseas Filipino Workers nangruna dagiti illegal migrants ti agwarwaras a damag a maipatungpal ita ti mass deportation idiay Estados Unidos kageddan ti panagtugaw ni US Pres. Donald Trump.
Segun kenkuana, dakkel ti maitultulong dagiti Filipino Workers idiay Amerika nangruna no maipapan iti panagdalus iti balay, panagbantay kadagiti ubbing, panagbalin da a care giver sipud ta saan a pulos nga ikosiderar dagiti Amerikano daytoy a trabaho gapu iti nababa a sweldo.
Pinasingkedan ni Ducay nga adda masurot a proseso no maipapan iti massive deportation.
Kunana a ti laeng posible nga umuna a ma-deport ket dagiti adda ti sangsangwen na a nadagsen a kaso.
Iti agdama, mapatta-patta ng aumabot iti 12 a milyon ti illegal immigrants idiay Amerika.
