LAOAG CITY – Ibilang ni Mayor James Bryan Alcid ditoy ciudad ti Laoag a napintas ti kalikagum ni Presidente Ferdinand Marcos nga adda ti acceptance nga ummuna ti lokal a gobierno sakbay a maideklara ken mairekord a nakumpleton ti maysa a proyekto.
Segun kenni Alcid, daytoy nga addang ket tapno masigurado ti check and balance.
Inbatad na a tapno napinpintas ti panakaimplementar daytoy ket rumbeng nga ti kopya ti tunggal lokal a gobierno iti disensyo ti proyekto tapno makita a nasayaat no maiyannatop wenno nasurot t ipanakaaramid daytoy.
Kunana a sipud nagtugaw ket kidkiddawen nan iti Departent of Public Works and Highways nga agisubmitir ti listaan dagiti nakompleton a proyekto tapno masigurado a pasado dagitoy iti umno nga implementasyon.
Innayon ti Mayor a sipod pay idi konsehal isuna ket adda dagiti kweskwestyonaran nan a proyekto ti ahensya ken maragsakan gapo ta iti panagbalin na a Mayor ket nalaklaka nan a makiddaw ti listaan.
Maipalagip nga idi inrakurak ti presidente no siasinno ti mangidaulo iti Independent Commision for Infrastructure ket inmandar na kadagiti amin nga ahensya ti gobierno nga isubli da ti acceptance process dagiti amin a national government projects babaen iti lokal a gobierno.
