LAOAG CITY – Mangnamnama ni Mayor Antonio Mariano iti ili ti Marcos a maisubli met laeng a dagus ti klase ti Marcos National High School.
Daytoy ket kalpasan a nakanselar gapo iti maipagarop a pannakasanib manen ti dakes nga espirito dagiti estudyante iti nasao a pagadalan.
Segun kenni Mariano, kalikagom na a maisubli intono bigat ti klase kalpasan ti pasamak.
Inbatad na a pagsasaritaan da iti principal ti nasao a pagadalan ken dagiti kameng ti PNP iti nasao nga ili no anya ti addang da mainaig iti daytoy.
Karaman kadagiti mabalin nga aramid da ket ti posible nga inaldaw nga adda ti agbantay iti nasao a pagadalan ken no anya ti suhestyon bayat ti taripnong da.
Maipalagip nga itay kallabes ket adda manen ti nasaniban ti dakes nga espiritu iti nasao met laeng a pagadalan.
