LAOAG CITY – Napalaos ti panagyaman ni Mayor Markee Chua iti ciudad ti Batac iti Provincial Government ken National Government.
Segun kenni Chua, narwuay a mannalon iti ciudad ti nakaawat iti ayuda itay kallabes kalpasan a naapektaranda kadagiti nagsasaruno a bagyo.
Kunana a ti Batac ket maysa nga Agriculture City ken dakkel a banag para kadakuada dagitoy a tulong nangruna ket saan laeng a bagyo ken dagiti peste ti kalabanda no diket ti presyo pay ti irik.
Inbatadna nga iti agdama ket ado dagiti agproblema gapo ti kinababa ti presyo ti irik ket dagiti maipapaay kadakuada malaksid ti ipapaay ti ciudad ket dakkel a mangsuposup kadagiti kasapulanda.
Kabayatanna, inpasiguradona nga itultuloyda kenni Vice Mayor Albert Chua dagidi narugyananna a kas dati a Mayor a sapasap a tulong para kadagiti mannalon.
