LAOAG CITY – Inpetteng ni naelektaran a Mayor Joseph de Lara iti Solsona, Ilocos Norte nga itultuloy na nga amwen dagiti naggastoan ti agdama nga administrasyon ken dagiti maipagarop nga irregularidad a naar-aramid.
Inbatad na a masapol a malawlawagan amin dagitoy iti panagtugaw na kas baro a mayor iti nasao nga ili.
Kuna na a rumbeng nga agsungbat dagiti rumbeng nga agsungbat kadagitoy a paspasamak.
Innayon na a kaasi laeng dagiti mairamraman iti daytoy nga isyu.
Kabayatanna, nagyaman ni de Lara kadagiti nangsuportar kenkuana iti kalepleppas nga eleksyon.
