LAOAG CITY – Nagkedked paylaeng ni Mayor James Bryan Alcid a mangipublikar kadagiti plano na para iti turismo ditoy ciudad ti Laoag.
Daytoy ket gapu ta agamak ti mayor nga adda ti ag-credit grab wenno agpamarang a personalidad nga isuna ti akin plano kadagitoy.
Inlawlawag na a maysa kadagiti prayoridad na ket ti turismo gapo ta no mapapintas daytoy ket ad-ado dagiti tattao wenno turista nga agturong ditoy ciudad ti Laoag ken ad-ado met dagiti negosyo a maestablisar.
Innayon na a no mapasamak daytoy ket ad-ado met dagiti indibidual maaddaan ti trabaho nga agresulta ti dakdakkel a mapastrek ti gobierno lokal ditoy ciudad.
