LAOAG CITY – Nakalasat iti RPG attack ni Shariff Aguak Mayor Akmad Mitra Ampatuan ita nga aldaw, Enero 25, 2026.
Kinumpirmaran daytoy ti secretary na a ni Anwar Emblaw.
Segun ken ni Emblaw, saan a nadangran ti mayor gapu ta dagus a naiyadayo iti lugar ngem dua kadagiti security detail na ti natamaan ken agdama a maag-agasan iti ospital.
Makita iti naiparuk-at a CCTV a nakalugan ti maysa a puraw a van dagiti suspek no sadinno a bimmaba pay dagiti nakalugan ken pinabettakan da ti rocket-propelled grenade (RPG-7) ti lugan ti mayor itay bigat iti Poblacion ti Shariff Aguak, Maguindanao del Sur.
Kabayatanna, kalpasan ti insidente, dagus a nangiyuswat ti hot pursuit operation ti Datu Unsay Municipal Police Station kadwa da ti 2nd Provincial Mobile Force Company, Provincial Intelligence Unit, Maguindanao del Sur Police Provincial Office ken 90th Infantry Battalion, Philippine Army, no sadinno a napatay da dagiti maatap a suspek iti panagtambang.
Binigbig ti PNP-BARMM dagiti natay nga isuda Budtong Pendatun, alyas “Rap-Rap”, Teks Pendatun; ken alyas “Puasa.
Agtultuloy ti imbestigasyon dagiti otoridad iti nasao nga insidente.
