LAOAG CITY – Natiliw ti agtawen ti 40 a babai kalpasan ti nakaro a panangpisel na ti maysa a supot a tinapay iti convenience store idiay Japan ngem nagkedked a mangbayad iti daytoy.
Basar iti report, simrek ti babai iti maysa a convenience store iti Fukuoka ken iniggaman na iti maysa a pack ti black sesame ken cream cheese buns nga agbalor iti 180 yen wenno kaibatugan ti P67.
Iti saan a masinunuo a rason, bigla lattan a pinisel iti napigsa ti babai ti maysa kadagiti tinapay isut gapuna a nadadael ken saanen a mabalin nga ilako pay.
Nakita daytoy ti akinkukua iti convenience store ken dagusna a sinita ti babai ken inbilin na a bayadan na ti tinapay ngem nagkedked a bulon nan ti rimuar iti nasao a pasdek negosyo.
Gapu iti daytoy, sinaruno ti akinkukua iti convenience store ti babai kagiddan iti panagtawag na ti pulis tapno arestaren da ti suspek.
Inkalintegan ti babai a saanna nga intension a dadaelen ti tinapay no di ket kayatna laeng a testingen ti “firmness” daytoy.
Iti agdama, nagtalinaed iti kwerpo ti pulisya ti babai nga inawagan ti media kas “bun smasher.”
