LAOAG CITY – Kinumpirmaran ni Police Captain Johnwell Balueta, ti chief of police ti PNP-Bangui ti pannakapaltog ti maysa a babai iti paset ti Barangay Baruyen iti nasao nga ili.
Binigbig na ti biktima a ni Flordeliza Bersamira, real estate broker, addaan ti asawa ken residente iti Pinagpala St. Batasan Hill, Quezon City idinto a ti suspek ket ni Manuel Piscador, mapatta-patta nga agtawen ti 80 ken taga San Luis Subdivision, Baguio City.
Ummuna iti daytoy, nakaawat da ti report nga adda ti nabirukan ti maysa a mannalon a babai nga adda derraas iti nasao a barangay.
Iti inisyal nga imbestigasyon ti PNP, nagkuyog ti biktima ken ti suspek ken idi nakadanon da iti nasao a barangay ken pinababa ni Piscador ni Bersamira.
Gapo iti daytoy, natamaan ti teltel ni Bersamira ken maipagarop nga intennag pay ti suspek isuna iti deraas ngem naisab-it iti maysa a kayo.
Naitaray ti biktima iti Bangui District Hospital ngem naiyakar iti ospital idiay ciudad ti Batac.
Inbatad ni Balueta a suspek ket adda ti ipapailako na a balay idiay ciudad ti Baguio ngem saan da pay a naduktalan ti rason no apay a nakadanon da ditoy probinsya.
