LAOAG CITY – Natay ti maysa a baket kalpasan a nagbekkel iti uneg a mismo ti balay da idiay Brgy. Nalasin, Solsona, Ilocos Norte.
Nabigbig ti biktima a ni Mercedes Andres y Agcaoili, agtawen ti 76, balo ken residente met laeng iti nasao a barangay.
Segun ti imbestigasyon, dagus a napan inpakaammo ni Jayson Dumlao y Andres, agtawen ti 32 kenni Barangay Chairman Noriel Pascual kalpasan a nakita na ti biktima a nakabitin iti kusina da ken saanen nga agang-anges pay.
Rumrumuar a ti biktima ket agsagsagaba ti depresyon.
Inbatad ni Police capt. Chris Anthony Sorsano, ti chief of police iti ili a Solsona nga iti naglabas a tawen a namin-ado a daras a ginandat ti biktima ti nagpakamatay babaen ti panangibitin na ti bukod na a bagi, ngem saan a nagballigi.
Iti agdama, agtultuloy ti imbestigasyon dagiti kameng ti PNP iti nasao a pasamak.
