LAOAG CITY – Dead on arrival ti maysa a balasang kalpasan ti napasamak a desgrasya iti Rizal St., bisinidad iti Barangay 1 ditoy ciudad ti Laoag.
Nabigbig ti biktima a ni Alexis Maxine Abaloyan y Licuan, agtawen ti 19, basalang, residente iti nasao a barangay ken dagiti kakadwa na iti toyota corona nga addaan ti plate number a NFX 736 a nasugatan ket da Kendrick Molines, 22, taga Barangay 11 ditoy ciudad, ken dua pay a menor de edad; idinto a ti kinadinnungpar da ket Ford Ranger Raptors nga inturong ni Anthony John Mangussad y Datoc, agtawen ti 20, baro, estudyante ken residente iti Barangay 29, San Bernabe ditoy ciudad ti Laoag.
Basar ti imbestigasyon ti PNP-Laoag Traffic Division, agpaabagatan a direksyon da Abaloyan idi nadungpar na ti Raptor nga agpapa-amyanan a direksyon.
Gapo iti daytoy, simmirok ti lugan da Abaloyan iti nasao a Raptor a nakasugatan ti nagduduma a paset ti bagi dagiti biktima ken naitaray dagitoy iti Gov. Roque Ablan Senior Memorial Hospital.
Inbatad ti PNP a napakarwan ni Abaloyan gapo ta basar ti rakurak dagiti dodoktor iti nasao nga ospital ket arig na awan ti marikna da a tulang iti paragpag ti biktima.
Agpapan maisursurat ti damag ket manarimaan ti panagsarita ti pamilya ni Mangussad ken ni Abaloyan.
