LAOAG CITY – Dead on arrival iti ospital ti maysa a kapitan kalpasan a naatake iti puso bayat ti panagmaneho na ken nadungpar na pay ti nakaparada a lugan iti sanguanan ti kapitolyo probinsiyal paset ti Barangay 11 ditoy ciudad ti Laoag.
Kinumpirmaran ni Emma Taleon, Nurse 1 ti kapitolyo probinsyal a pimmusay ti biktima a nabigbig a ni Barangay Chairman Francisco Madariaga iti Brgy. 28, Cabusligan iti ili ti Bacarra bayat nga itaray da iti ospital.
Basar ti impormasyon, mapan kuma agpakilo ti baboy ti biktima ken ti saaan a nainaganan a kadwa na idi napasamak ti insidente.
Naamoan a ti nakaparking a lugan ket manarimaan ti panagibaba na kadagiti materyales a mausar para iti aktibidad ti kapitolyo probinsiyal intono bigat idi nagdungpar daytoy ti biktima.
