LAOAG CITY – Naarestar ti maysa a mannalon a ni Dante Dimaya y Agag, agtawen ti 33, naasawaan, ken residente iti Brgy. 18 Caribquib iti ili ti Banna iti naisayangkat nga anti-illegal drug buy-bust operation iti metlaeng nadakamat a lugar.
Ti operasyon ket nagbinnuligan nga insayangkat ti Philippine Drug Enforcement Unit, Ilocos Norte Police Provincial Office ken ti Philippine National Police iti ili ti Banna.
Basar iti report, inarestar a dagus dagiti otoridad ti suspek kalpasan a naglako ti maysa nga heat-sealed transparent plastic sachet a naglaon ti maipagarop a shabu iti nagpammarang a police poseur-buyer.
Iti panangkapkap dagiti otoridad iti suspek ket nakumpiskar da pay ti siyam nga heat-sealed transparent plastic sachet a naglaon ti a maatap a shabu, tallo nga empty sachet ti transparent plastic sachet, personal money nga agdagup iti P1,000, maysa a tooter, maysa a lighter, dua a pakete ti sigarilyo, dua nga stick ti sigarilyo, maysa a kahon ti posporo, maysa a tissue, maysa a facemask, maysa nga holder ti facemask, maysa a mini flashlight case, uppat a Valid ID’s, maysa a motorsiklo a Honda TMX 125 ken ti sangaribo a pisos a nausar kas buy-bust money.
Mapattapatta nga agdagsen dagiti nakumpiskar a maatap nga illegal a droga it sumuruk-kumurang a 2 a gramo nga addaan iti standard price a P13,600.
