LAOAG CITY – Natiliw ti maysa a lalaki gapu iti panagikotna ti paltog iti paset ti Brgy. Sta Cruz Sur iti ili ti Badoc.
Tu suspek ket agtawen ti 37 ken residente ti Brgy. Lusuac, Peñarrubia iti ili ti Abra.
Segun ken ni P/Maj. Adrian Agbannaoag, ti acting officer ti Ilocos Norte Police Provincial Office (INPPO), kabayatan ti panangiyuswatda ti Security Monitoring ken Standby Operations idi adda ti Isuzu Towing Service Truck a nag-parking itiasideg ti lokasionda.
Idinto a sumagmamano a minutos ti napalabas ket timmakder iti pasahero a nakalugan ti nasao a truck ket adda ti natinnag a paltog.
Gapu iti daytoy, naala ti atension dagiti otoridad ket immasidegda kadaytoy lalaki tapno saludsoden mainaig iti nasao nga armas.
Awan ti naipakita ti suspek a lisensia dagiti paltog ket boluntariona nga insuko ti 1 a caliber .45 with pistol, 1 a magazine nga addaan 7 a loaded live ammunitions, 1 a magazine para ti caliber 45 pistol nga addaan 6 a live ammunitions, 1 a black pouch nga adda karga na a 4 live amunitions, 1 a holster, 1 a black a sling bag nga addaan Php65,000 pesos.
Naarestar ti suspek para iti inventory and documentation dagiti nakumpiskar a paltog.
Iti agdama, manamnama a sumango ti suspek ti kaso a panaglabsing ti Republic Act (RA) 10591 a Comprehensive Firearms and Ammunition Regulaton Act.
