LAOAG CITY – Nabirukan a maysan a nalamiis a bangkay ti maysa a lalaki iti banyo na iti Barangay Baligat iti ciudad ti Batac.
Nabigbig ti biktima a ni Romualdo Lagmay, agtawen ti 50, mannalon ken residente iti nadakamat a barangay.
Basar iti Philippine National Police, napan ti apoko ti biktima iti balayna ket ditoy metten a nakita na ti bangkay ti lolo na iti banyo na.
Iti panangeksamen ti Municipal Health Officer iti ciudad ti Batac a ni Dr. Celeste Abundo iti bangkay ket naduktalan na a pimmusay daytoy gapu iti cardiac arrest.
Awan met ti nakita a foul play dagiti otoridad iti pannakatay ti biktima.
