LAOAG CITY – Nasarakan ti maysa a nalamiis a bangkay ti maysa a lalaki iti ili ti Vintar partikular iti Sina River iti Sitio Tungel iti Brgy. Isic Isic iti nadakamat a lugar.
Basar iti imbestigasion ti Vintar Municipal Police Station, adda ti naawat da a report manipud ken ni Brgy. Chairman Rolly Nacuray, Barangay Chairman iti nadakamat a lugar a nakita da ti bangkay ni Armando Valentin a naka-prone position ken adda ti bitbit na nga electro-fishing equipment.
Gapu iti daytoy, insigida a nagresponde dagiti kameng ti Vintar Municipal Police Station pakairamanan ti 102nd Infantry Battalion ken Municipal Disaster Risk Reduction Management Council iti nadakamat nga ili.
Immuna iti daytoy, nakaawat ti biang ti otoridad ti report manipud iti asawa ti biktima a ni Judith Valentin, agtawen ti 41 ken residente iti nasao lugar, maipanggep iti mapukpukkaw nga asawa na a ni Armando Valentin, agtawen ti 43, mannalon ken residente met laeng iti nasao a ugar.
Innayon dagiti otoridad nga immunan timmalaw tui biktima iti agarup ala-sais ti rabii idi Disiembre 11 iti pagtaengan da nga gaturong iti taltalon ket sipud idin ket saan daytoyen a simmangpeten.
Mainaig iti daytoy, mapapati a nagturong ti biktima iti nasao a lugar tapno agkalap babaen iti electro-fishing equipment na.
Patien dagiti kameng ti polisya a nakuryente ti biktima, rason a na-paralyze daytoy ken natnag iti karayan.s
Kabayatanna, basar iti Municipal Disaster Risk Reduction Management Council nga electrocution secondary to drowning ti pannakatay ti biktima ken awan ti foul play a napasamak iti nakatayan ti lalaki.
