LAOAG CITY – Ballaigi a naarestar ti maysa a negosiante gapu iti panagusarna ti cheque nga awan ti karga na iti siudad ti Batac.
Segun iti Ilocos Norte Police Provincial office (INPPO) a ti babai ket agtawen 64, naasawaan, negosiante, ken residente ti Brgy. Laureta iti ili ti Solsona.
Daytoy ket naarestar iti Brgy. Billoca iti siudad ti Batac iti babaen ti bileg ti warrant of arrest a naidasar gapu iti four counts of Violation of the Bouncing Checks Law.
Naisyu daytoy iti babaen ni Hon. Marty Pajarillo Cachapero Presiding Judge, Municipal Trial Court iti ili ti San Nicolas.
Ti panaglabsing ket narekomendaran ti pyansa a Php. 12,000.00 iti tunggal kaso.
Kabayatanna, ti naarestar ket agtalinaed iti Batac City Police Station para iti pannakaisagana iti dokumento sakbay a maipsubli iti korte.
