LAOAG CITY – Inikkan ti Department of Trade in Industry (DTI) ti Notice of Violation ti maysa a pagtagilakoan gapo iti panaglabsing na iti Consumer Act ken Standard Law.
Daytoy ket kalpasan nga adda ti lako ti nasao a pasdek a christmas light nga awan ti packaging na ken awan pay ti sticker na.
Segun kenni Mr. Dominador Alberto, ti Senior Trade Specialist iti DTI, ti kaawan ti packaging dagiti lako a christmas lights ket posible a nabayagen ken mabalin a makaitunda ti uram rason a saan a natalged.
Inbatad na nga umabot iti 21 a chirstmas light ti nakumpiskar ti nasao nga ahensya.
Mainaig iti daytoy, inpasingked ti ahensya nga itultuloy da ti aginspesyon kadagiti nagduduma a pagtagilakoan ditoy probinsya.
