LAOAG CITY – Nauram ti maysa a pagtaengan iti Brgy. Nagpatayan iti ili ti Banna idi laeng kalman ti Disiembre 25, 2024.
Segun ken ni Senior Fire Officer 4 Reynante Bismonte, Fire Marshall iti Banna Muncipal Bureau of Fire Protection, ti akinkukua ti pagtaengan ket maysa a senior citizen nga agtawen ti 70 ken residente iti nasao nga ili.
Basar iti inisial nga imbestigasion, adda ti naawat dagiti otoridad a tawag iti garup 8:00 ti rabii nga adda ti maururam a pagtaengan iti nasao nga ili rason nga insigida ti napan nagresponde ken naideklara a na-fire out ti uram iti agarup 8:18 ti rabii.
Kabayatanna, agtultuloy ti panagiwayat ti Bureau of Fire Protection iti ili ti Banna para iti naan-anay nga imbestigasion no ana ti namunganayan ti uram.
