LAOAG CITY – Nagtalinaed iti kustudiyar ti PNP-Badoc ti suspek a ni Rogel Duque y Andula, agtawen ti 53, naasawaan ken residente ti Brgy. Gareta iti nasao nga ili.
Daytoy ket kalpasan a boluntaryo a simmuko iti PNP gapo ti sangsangwen na a kaso a panaglabsing iti RA 9516 ken RA 10591.
Naamoan a kalpasan a naipakammo kenni Duque nga addaan isuna ti warrant of arrest ket boluntaryo a nagkamang kadagiti otoridad iti nasao a lugar.
Kabayatanna, awan ti nairekomendar a pyansa para iti kaso ni Duque nga RA 9516 idinto a ti RA 10591 ket addaan ti pyansa a 80 a ribo a pisos.
