LAOAG CITY – Natay ti maysa a lalaki a biktima ti panagtagbat idiay Barangay iti ili ti Banna, Ilocos Norte.
Bignigbig Police Chief Inspector Artemio Clemente, hepe ti PNP-Banna ti biktima a ni Robert Garcia idinto a ti suspek ket ni Lowel Yadao.
Segun kenni Clemente, idi rabii ti Miyerkules ket nagreport iti PNP a mismo ni Yadao nga adda ti natagbat ken naduktalan da nga isuna ti suspek.
Dagus a naitaray ti biktima iti ospital idiay ili ti Marcos ngem naideklara a dead on arrival.
Iti panagimbestigar da, naamoan nga aggi-inom ti suspek ken ti akin-kukua ti balay a naginoman da idi ta napan ti biktima ken nagsasango dagiti maseknan.
Inlawlawag na a rimsua ti saan a panagkinnaawatan ti biktima ken suspek a nangitunda iti suspek a napan nangala ti buneng iti balay ken tinagbat na ni Garcia ken natamaan ti tengnged ken takyag na.
