LAOAG CITY – Kinumpirmaran ni Police Chief Inspector Roldan Suitos, hepe ti PNP-Pasuquin ti pannakatiliw ti maysa a lalaki a nagtutok ti paltog idiay Barangay 29, San Juan iti nasao nga ili.
Binigbig ni Suitos ti suspek a ni Raymond Curimao, agtawen ti 30, naasawaan ken residente iti Barangay Ablan idiay ili ti Burgos.
Immuna iti daytoy, adda ti naawat da a report nga adda ti komosyon iti nasao a barangay no sadinno a nagtutok ti paltog ti lalaki.
Segun kenni Suitos, naabutan da nga agwalwala ti suspek ken ginandat na ti nagtaray ngem nakataman dagiti nagresponde a pulis.
Nakumpiskar dagiti otoridad ti bag ni Curimao a naglaon ti folded cal. 45, maysa a bala ken tallo pay a bala a karga ti sling bag.
Inbatad na a ti suspek ket dayo laeng iti lugar ken naggi-inom da iti balay ti pagayam na ken ditoy a maipagarop nga inpalastog na pay ti paltog na.
Paset ti panagsarita ni Police Chief Inspector Roldan Suitos, hepe ti PNP-Pasuquin
