LAOAG CITY – Kinumpirmaran ni Mayor James Bryan Alcid a manayunan iti Medical Assistance for Indigent Patient wenno MAIP iti Laoag City General Hospital.
Inbatad na a ti Medical Assistance for Indigent Patient ket agdagop iti 10 a milyon a pisos manipod iti opisina ni Congressman Sandro Marcos.
Segun ken ni Mayor Alcid, ti nasao a programa ket dakkel a makatulong iti Laoag City General Hospital.
Maipalagip a kalikagum ti administrasion ni Mayor Alcid a mapagbalin a level 2 Hospital ti Laoag City General Hospital gapu ta babaen iti daytoy ket ad-adda pay a mapapintas ti maipaay a serbisyo medikal kadagiti pasyente.
