LAOAG CITY – Kalikagom ni President Virgilio Julius Manzano, Jr. iti Mariano Marcos State University (MMSU) nga ad-adda pay a mapalawa ti pakailakwan dagiti produkto ti nasao nga unibersidad.
Karaman ditoy ti Longanisa, bamboo fiber wennu ti maaw-awagan nga Abel ken ti suka.
Kunana a no mabalin ket makadanun dagitoy a produkto kadagiti agkakadakkel a mall ditoy pagilyan.
Daytoy ti rason a gutgutigutenna dagiti taga isla ti Hawaii nga agpuunan kadagitoy a produkto tapnu ad-adda pay a pumintas ti kalidad na apaman a rumwar manipod iti nagduduma a merkado.
Kabayatanna, inbatad ni Pres. Manzano a nakasagana da para iti ad-adda pay a pannakapatibker ti panagkikinnamayet da iti isla ti Hawaii gapu ta addan dagiti immunan a nagkadwaan da kas iti Shared Heritage and Advancing Cultural and sStudent exchange, kasta pay ti MMSU Global Alumni.
