LAOAG CITY – Inbatad ni Police Inspector Norman Pentang, mangidadaulo iti PNP-Traffic Division ditoy ciudad ti Laoag a natay gapu ti pannakalmes ti nabirukan a bangkay ti lalaki iti padsan river iti babaen ti Gilbert bridge.
Kuna na a daytoy ket basar ti resulta ti postmortem examination iti bangkay ti saan pay a nabigbig a biktima.
Inlawlawag na a ti dara a nakita iti ngiwat ti biktima ket mabalin a naituptupar iti bato bayat ti pannakaiyanud na.
Mainaig ti daytoy, inbatad na nga adda ti maysa a testigo a nakaibaga nga adda ti nakita da a lalaki a naka-underwear laeng a bimmalasiw iti karayan.
Nupay kasta, kuna ti testigo a bayat ti kaadda na iti tengnga ti karayan ket kellaat a nagpukaw agingga a nabirukan laengen a bangkay.
