LAOAG CITY – Ado dagiti nasolbar a problema iti sektor ti edukasyon ti pannakaiyuswat ti face to face classes.
Daytoy ti inbatad ni Dr. Ely Pascua, President ti Parents and Teachers Association iti Buanga Elementaray School.
Segun kenni Pascua, babaen iti pannakapili ti pagadalan da ket naalay-ayan ti parikot dawenno basbassit laengen dagiti mausar iti panagiprinta ti modules dagiti estudyante.
Inbatad na pay a naragsak ken pabor da a nagannak iti pannakaiyuswat ti limitado a face to face classes, kasta met nga ipakita da ti suporta da iti pagadalan.
Kunana nga adda pay ti napirmaan a parental consent a pakakitaan nga umanamon da a makipartsipar dagiti nagannak da iti face to face classes.
Mainaig iti daytoy, kunana nga intono Domingo ket maiyuswat ti panagtataripnong da tapno mapagsasaritaan daytoy a banag ken ti pondo nga usaren da no kasapulan.
