LAOAG CITY – Inlawlawag ni Sangguniang Panlungsod Member John Michael Farinas, Chair ti Committee on Education, a nagduduma a problema dagiti mapaspasaran ti Rodolfo CG Farinas Science National High School rason a saan daytoy a nakigiddan a nangrugi ti klase idi Hulio 29.
Segun ken Farinas, malaksid nga awan ti kuriente ti nasao a pagadalan ket rumrumuar a natakaw ti waya ti generator ken adda dagiti klasrum nga agli-leak no panawen ti panagtutudo.
Kabayatanna, kinuna ni Ms. Jennifer Alejandro, Information Officer ti Schools Division Office ditoy ciudad ti Laoag a mannarimaan ti pannakaiproseso dagiti papel wenno dokumento tapno maaddaan ti kuryente ti nasao a pagadalan.
Naammoan nga adda ti building permit ti nadakamat a pagadalan.
Manamnama nga aglukat ti klase dagiti 56 nga estuiante iti Rodolfo CG Farinas Science High School inton Lunes, Agosto 5.
