LAOAG CITY – Nangipila ti gakat ni Senador Mark Villar a gagemna a paigetan ti seguridad ken emergency preparedness dagiti pagadalan kas sungbat kadagiti manarimaan a panangatake iti pagadalan a pakairamanan dagiti estudiante.
Gagem ti Senate Bill No. 2321 wenno proposed Learning Institution’s Guaranteed Threat Avoidance and Safety Act (Ligtas Act) a mangisayangkat ti agpapada nga school safety framework iti amin a publiko ken pribado a pagadalan manipud Kinder agingga Grade 12.
Kabayatanna, mairaman pay ti panagaramid ti School Safety Council iti tunggal siudad ken ili a pakabukbuklan ti local government, education, police, fire, disaster response, school ken parent representatives.
Agaramid ti nadakamat a council ti localized safety policies, makikoordinar iti emergency response efforts ken panagmonitor ti panagsungbat dagiti pagadalan iti safety standards.
