LAOAG CITY – Nakasaganan dagiti nagduduma nga aktibidad para ti panagpiyesta ti La Virgen Milagrosa idiay Badoc, Ilocos Norte.
Daytoy ti inpasingked ni Mr. Jade Cesar Japeth Raquel, ti municipal tourism officer iti ili ti Badoc.
Segun ken ni Raquel, ti tema ti piyesta ti La Virgen Milagrosa ket “Agtultuloy a pannakabangon ti pundasyon para ti nadurdur-as nga ili”.
Innayon na a kas paset ti selebrasyon ket maaddaan ti medical mission iti ili ti Badoc, Binibining Badoc 2018, ken dadduma pay.
Mangnamnama ni Raquel nga awan ti agbalin a problema iti pannakaselebrar ti panagpiyesta ti La Virgen Milagrosa.
