LAOAG CITY – Nakitaripnong ti National Police Commission ken ni Mayor Michael Marcos Keon iti pannakaisayangkat ti survey maipapan kadagiti mapaspasamak a krimen ditoy siudad ti Laoag.
Nangrugi ti pannakaiyuswat ti survey idi kalman, Pebrero 20 nga agpatingga inton bigat, Pebrero 22.
Babaen iti daytoy, maammoan a natalged ken awan ti mapaspasamak a krimen kadagiti nagduduma a Barangay ditoy siudad ti Laoag.
Mainaig iti daytoy, kalpasan iti pannakaisayangkat ti survey ket ditoy a mangipaay ti National Police Commission dagiti singasing ken no ania ti rimmuar a resulta a naalada tapno mapakaammoan dagiti maseknan a barangay no ania ti rumbeng nga aramidenda nga addang.
Kabayatanna, maragsakan ni Liga ng mga Barangay President Rbee Ablan nga adda ti kastoy a tignay ti nasao nga ahensia tapno ad-adda nga agbalin a natalged dagiti umili.
Naammoan a manamnama a mailatangan ti pundo ti nasao a banag.
