LAOAG CITY – Inbatad ti World Health Organization nga adda ti nasurok a 94 a milyon a tattao iti lubong ti agpaspasar manipod iti cataract, ngem kagudua kadagitoy ket awan ti access na iti operasyon a kasapulan tapno maurnus.
Ti cataracts wenno panaglidem ti lente ti mata a mangitunda ti panaglidem met ti panagkita a mabalin nga agtungpal ti panagbulsek ket ngumatngato kabayatan a tumataeng no sadinno a ti tawen ti kangrunaan a risk factor.
Basar iti World Health Organization, ti cataract surgery a simple ken agpaot laeng ti 15 a minuto ti procedure ket maysa kadagiti pinaka-cost-effective medical procedures, a mangipaay ti dagus ken napaot a pannakaisubli ti panagkita.
Inpakaammo ti World Health Organization a dagiti babbai ti agtultuloy a makapaspasar ti nababbaba nga access iti panangsalwad ngem kadagiti lallaki.
Manipod met iti 94 nga apektado ti cataract, awan pay ti 20 a porsiento kadagitoy ti nagbulsek idinto a dagiti dadduma ket nagpasar ti impaired vision.
