LAOAG CITY – Ibilang ni House Committee on Public Accounts Chairman ken Bicol Saro Party-list Rep. Terry Ridon a sayang laeng ti papel ti serye ti petision iti Supreme Court (SC) a manglaplapped iti impeachment proceedings kontra ken ni Vice President Sara Duterte.
Inbatad ni Ridon, paulit-ulit laeng ken awan met ti baro nga argumento ti baro nga inpasa a petision iti Korte Suprema iti panangidaulo ti One Bangsamoro Movement (1Bangsa).
Kunana a nasken nga ibasura nga insigida ti Korte Suprema ti nasao a petision nga agpapada a makibibiang laeng iti maysa a kaso no sadinno a saanda met a karaman.
Inpetteng manen ni Ridon a matuloy ti Abril 14 ti impeachment proceedings kontra ken ni Vice President Sara gapu ta awan met ti inparuk-at a Temporary Restraining Order (TRO) ti Korte Suprema.
