LAOAG CITY – Bwineltaan ti National Bureau of Investigation (NBI) ti nagbalin a ralurak ni Senador Alan Peter Cayetano a nangawag ken ni NBI Director Melvin Matibag a maysa “cartoon character” ken“minion.”
Iti inparuk-at a rakurak ti komisyon, inbatad ti National Bureau of Investigation a saanna a personal a tutupan ti nagbalin a banat ti senador.
Kuna pay ti ahensya nga itultuloy ni Matibag ti mangipatungpal ti trabaho na.
Immuna iti daytoy, iti maysa a Facebook Live, dinakamat ni Cayetano ni Matibag kas maysa a“minion,” wenno yellow character iti pelikula a “Despicable Me.”
Inaramid daytoy ti senador kalpasan a nadakamat ni Matibag nga im-imbestigaren ti National Bureau of Investigation dagiti maipagarop nga iregularidad iti panangipatakder kadagiti pasilidad a nausar iti 2019 SEA Games.
