LAOAG CITY – Inpetteng ni National Bureau of Investigation (NBI) Director Melvin Matibag a “consummated” ti betrayal of public trust ni Vice President Sara Duterte kalpasan nga inrakurak na iti publiko nga adda ti nakasarita na a mangpatay kada Presidente Ferdinand Marcos Jr., First Lady Liza Araneta-Marcos ken dati nga House Speaker Martin Romualdez no adda ti dakes a mapasamak kenkuana.
Iti maikasiyam nga aldaw ti impeachment trial ni vi Vice President Duterte, inbatad ni Matibag a mismo a ti rakurak ti bise presidente ket maibilang a panangadmitir a nakikoordinar iti maysa a tao tapno ipatungpal ti krimen.
Inlawlawag pay ti NBI chief a maikontra daytoy iti sinapataan a responsibilidad ti maysa a naelektaran nga opisyal nga ipatungpal ti linteg ken mangipaay ti hustisya iti amin.
Namonganay ti isyu iti maysa a viral a video ti virtual press conference ni Duterte iti napalabas a tawen no sadinno nga inrakurak na nga adda ti kinasarita na a tao ken inbilin na a patayen na da President Marcos Jr., Araneta-Marcos, ken Romualdez no adda ti mangpatay kenkuana, no sadinno a kunana pay a “no joke” ti rakurak na.
Iti panagdengngeg idi Miyerkules, kiniddaw ti kampo ti depensa nga ikkaten iti record ti rakurak ni Matibag mainaig iti maipagarop a betrayal of public trust, ngem saan a pinatgan ti impeachment court.
